BINITBIT ng mga operatiba ng Manila Police District-Ermita ang isang 29-anyos na carnap suspect matapos mamataan Miyerkules ng gabi sa kahabaan ng Roxas Boulevard Service Road malapit sa United Nations Avenue,Ermita,Manila.

Kinilala ni Police Lieutenant Colonel Romeo Estabillo, hepe ng Ermita Police station.5 ang suspek na si alyas John, binata, operation supervisor, at residente ng Brgy. Masambong,Quezon City.

Ayon sa ulat ni Master Sargent Eugene Langkay,bandang 10:07 ng gabi nang matimbog ang suspek sa naturang lugar habang nagsagawa ang pulisya ng Oplan Pagtugis at Simultaneous Anti – Criminality Law Enforcement Operation (SACLEO).

Ang suspek ay naaresto sa bisa ng arrest warrant na inisyu ni RTC Branch 36 Judge Eric Docyagan Banasan ng Bambang,Nueva Viscaya.
Iniutos ng korte na maglagak ng piyansang P300,000 ang suspek para sa pansmantala nitong paglaya