POSIBLENG sa kulungan magpasko ang habal-habal rider na naaresto dahil sa paglabag sa Republic Act 9262, o ang Anti-Violence Against Women and their Children Act, sa Brgy. Carsadang Bago, Imus, Cavite, noong Miyerkules.

Batay sa ulat ni Police Master Sergeant Jervey Aguilar, inaresto si alyas “Jonjon” bandang alas-10:05 ng gabi dahil sa hindi pagbibigay ng sustento sa kanyang anak at ina nito.

Nagtago ang suspek sa naturang lugar hanggang sa matunton sa Cavite City ng mga pulis.

Naaresto ang suspek dahil sa arrest warrant na galing kay Judge Ma. Theresa Bueno, presiding judge ng Regional Trial Court Branch 183 ng Manila.