“SAMA-sama nating damhin ang diwa ng pagmamahalan, pagkakaisa at pag-asa.”

Ito ang binanggit ni Batangas 2nd district Rep Atty. Gerville “Jinky Bitrics” Luistro para sa nakalipas ng kapaskuhan.

“Sa gitna ng bawat hamon at tagumpay, kayo—ang bawat pamilyang Batangueño sa Distrito Dos—ang nagsisilbing liwanag at inspirasyon ng ating bayan.

Sa inyong pag-aaruga, malasakit at dedikasyon, lalo nating nararamdaman ang tunay na diwa ng Pasko–ang pagbibigay at pagmamahal na walang hinihintay na kapalit.

Ngayong panahon ng kapaskuhan, patuloy nating palakasin ang ating samahan at pagtutulungan.”