ORIENTAL Mindoro–Kinondena sa lalawigang ito ang malagim na pagpatay kay Airman First Class Mervin Guarte, ang atleta na nagkamit ng medalya sa mga nagdaang Southeast Asian Games (SEA Games).

Nagbigay ng malaking karangalan sa Calapan ang pinaslang na Air Force kabilang na ang gintong medalya sa Southeast Asian Games, na nagsilbing inspirasyon sa ating mga kababayan.

Ang pagpaslang sa kanya hindi ipagsasawalang bahala ng Calapan at kaisa ito ng kanyang pamilya sa paghingi ng hustisya.

Ang kanyang mga alaala at kontribusyon sa bayan patuloy na magiging bahagi ng ating kasaysayan at patnubay sa mga susunod na henerasyon.

Pinaslang ang airman noong nakaraang Martes sa Calapan City.