PARA kay House Assistant Majority Leader at Quezon City 5th Dist. Rep. Patrick Michael “PM” D. Vargas. Isang magandang halimbawa at “role model” si House Speaker Ferdinand Martin Gomez Romualdez para sa lahat ng miyembro ng Kamara de Representantes.

Sinabi ni Vargas na ang nakuhang mataas na public approval rating ni Speaker Romualdez ay isang pagpapakita lamang na siya ay hindi lamang mahusay na opisyal ng pamahalaan kundi mahusay din bilang lider ng Kongreso.

Dahil dito, binigyang diin ng House Assistant Majority Leader na dahil sa napakagandang performance ni Romualdez bilang House Speaker.

Siya ay nagsisilbing inspirasyon at role model para sa lahat ng kongresista na dapat nilang tularan bunsod ng ipinapakita nitong sipag, dedikasyon at hardworking.

Pinapurihan din ni Vargas si Speaker Romualdez dahil rin sa mahusay na pamumuno o liderato nito kung saan patunay dito ang napakaraming panukalang batas na naipasa ng Kamara de Representantes kung saan sa mga nakalipas na session ay wala aniya silang inaaksayang oras.

“Si Speaker Romualdez ang role model naming mga kongresista dahil siya ay nagpapakita ng magandang halimbawa bilang lider ng Kamara.

Hindi matatawaran ang kaniyang sipag at husay sa pamumuno,” sabi ni Vargas.