BATANGAS City — Ipinakilala ni Engr. Sonny Godoy, city administrator, ang bagong hepe ng Batangas City Police Station (BCPS) na si Police Lieutenant Colonel Ira Morello, pagkatapos ng flag ceremony nitong Lunes, Enero 20.

Si PLtcol. Morello, 42, ay tubong Silang, Cavite.

Ang pinakahuling assignment niya ay bilang Force Commander sa Laguna Provincial Mobile Force Company (LPMFC). Pinalitan niya si PLtCol. Jephte Franje Banderado bilang bagong hepe ng pulis ng siyudad.

Malugod siyang tinanggap ni Mayor Beverley Dimacuha, mga miyembro ng Sangguniang Panglungsod, at ng mga department head ng pamahalaang lungsod.