KAMPO HENERAL MIGUEL MALVAR, Batangas–Nasakote ng mga pulis ang lalaki na akusado ng panggagahasa sa Brgy. Sampaguita, Naujan, Oriental Mindoro noong Martes.

Ang akusado, si alias Edwin, 54, kasalukuyang naninirahan sa Purok 4, Brgy. Sampaguita, nahuli ng mga elemento ng Sta. Teresita police, ayon sa report.

Ang suspek kinasuhan ng 3 bilang ng malaswang asal.

Nahuli siya bandang alas-6:30 ng gabi sa bisa ng warrant of arrest na inisyu ni Judge Juanita Areta ng Regional Trial Court, Branch 86, ng Taal, Batangas para sa kasong lascivious conduct.

May inirekomendang piyansa na P80,000 sa bawat bilang ng kaso ng suspek.