PATAY ang 39-anyos na obrero na bagong dating sa kanilang tahanan ng barilin ng hindi pa kilalang suspek sa Tramo 1 Brgy. Sampaloc, Pagsanjan,Laguna ,Martes ng gabi.

Sa report ni PMajor Moh Nasser Jibrael M. Baidin Acop,hepe ng Pagsanjan,Laguna, kinilala ang biktima na si alyas Jonathan.

Ayon sa imbestigasyon ng Pagsanjan police, naganap ang pamamaril dakong alas 11:10 ng gabi.

Ayon sa pulisya, kadadating lang sa kanilang bahay ng biktima ng dumating ang armadong suspek na pinaputukan ng ilang beses sa katawan.

Sa mismong pinangyarihan ng insidente nasawi ang biktima mula sa hindi mabatid na kalibre ng baril.

Matapos ang pamamaril tumakas ang suspek patungo ng Cavinti, Laguna.

Patuloy ang imbestigasyon na isinasagawa ng Pagsanjan police sa pamamagitan ng interview sa residente malapit sa bahay ng biktima.

Sisilipin pa rin ng pulisya ang CCTV Ppara sa kanilang backtracking para matukoyat makilala ang suspek.