Calendar
Si First Lady Liza Marcos ay dadalo sa World Governments Summit sa Dubai.
FL Liza Marcos naghahanda para sa World Gov’ts Summit sa Dubai
EXCITED at kinakabahan si First Lady Liza Marcos sa pagdalo sa World Governments Summit sa Dubai.
Ginawa ni First Lady Liza Marcos ang pahayag matapos imbitahan ng organizers na dumalo sa summit.
Ipinakita pa ng Unang Ginang sa Instagram post ang paghahanda para sa summit ng mga world leaders.
Isa na rito ang pagbusisi ng ilang memorandum of agreement (MOA) sa pagitan ng Pilipinas at ng United Arab Emirates (UAE) kabilang na ang Comprehensive Economic Partnership Agreement (CEPA).
“Excited and a bit nervous when I received the invitation to be part of the World Governments Summit in Dubai, two weeks from now,” pahayag ni First Lady Liza Marcos.
“We discussed several MOAs… including the progress of our Comprehensive Economic Partnership Agreement (CEPA) so as to advance the mutual prosperity of both our countries, Philippines and UAE,” dagdag ng First Lady.
Dadaluhan ng nasa mahigit 30 presidente at 400 ministers mula sa iba’t ibang bansa ang isa sa pinakamalaking World Governments Summit sa kasaysayan na gaganapin ngayong Pebrero 13 sa Dubai.
Sinabi naman ni Presidential Communications Office (PCO) Secretary Cesar Chavez na hindi dadalo sa summit si Pangulong Ferdinand “Bongbong” Marcos Jr.
