BUMISITA sina Mayor Beverley Dimacuha, Congressman Marvey Marino at mga miyembro ng Team EBD sa booth ng Batangas City sa Barako Fest sa Lipa City.

Tampok sa booth ang mga tourist spots sa lungsod at mga pagkain at produktong gawa ng mga residente mula sa iba’t-ibang barangay.

Pinangasiwaan ng mga kawani ng Tourism Office, Office of the City Agriculturist at Local Economics & Investment Promotions Office (LEIPO) ang booth.

Pagdiriwang ang Barako Fest sa kultura ng mga Batangueno, pagsuporta sa mga lokal na industriya ng lalawigan at pagpapakita ng pagkakaisa ng mga Batangueno.