TATLONG suspek sa kasong panggagahasa ang naaresto noong Lunes sa Rizal.

Nahuli ang mga suspek ng mga tauhan ng Angono police bandang alas-2:47 ng hapon, ayon kay P/Col. Felipe Maraggun, hepe ng Rizal police.

Unang nahuli si alyas Florante, ayon sa report para sa krimeng qualified rape.

Si alyas Rezel nadakip pasado alas-3:40 ng hapon sa isinagawang operasyon ng mga pulis-Binangonan.

Nasakote naman si alyas Gian alas-5:45 ng hapon sa bisa ng warrant of arrest na inisyu ni Presiding Judge Carissa Dao ng Regional Trial Court, Fourth Judicial Region, Branch 174 ng San Mateo, Rizal.