PORMAL nang nanumpa sa tungkulin kay Mayor Beverley Dimacuha ang bagong Sangguniang Kabataan (SK) President ng Batangas City na si Sherwin Tejada ng Bgy. San Jose Sico.

Si Tejada ay 20 taong gulang at 3rd year Civil Engineering student sa University of Batangas.

Siya ay anak ni dating Punong Barangay Jose Rizal Tejada ng nabanggit na barangay.

Magsisilbing inspirasyon niya aniya ang kanyang ama upang pagbutihin at gampanan ng buong husay ang pagiging SK President ng 105 mga SK chairman sa lungsod.