NASAKOTE ng mga operatiba ng Quezon City Police District (QCPD) ang ilang suspek sa iba’t-ibang kaso sa manhunt kamakailan.

Kinilala ni QCPD Director P/Col. Melecio Buslig Jr. ang mga naaresto at kanilang kaso na sina Redan Publico Pulgaridad, 43, statutory rape; France Elnar Talino, 20, murder; Edward Maputol, 25, attempted homicide; Jhona Camandona, 33, theft; Richard Burgos, 50, robbery; Benjamil Saransaman, 31, murder; at George Tuazon, 25, acts of lasciviousness.

Nadakip ng mga operatiba ng District Anti-Carnapping Unit (DACU) sa ilalim ni P/Lt. Col. Hector Ortencio; District Special Operations Unit (DSOU) sa pamumuno ni P/Lt. Col. Araquil Guardaya; Novaliches Police Station 4, sa ilalim ni P/Lt. Col. Aljun Belista; Fairview Police Station (PS 5) sa ilalim ni P/Lt. Col. Geronimo Dimayuga Jr; Holy Spirit Police Station (PS 14) sa ilalim ni P/Lt. Col. Rey Tad-o at Project 6 Police Station 15 sa pamumuno ni P/Lt.Col. Roldante Sarmiento.