MAGPAPATULOY ang libreng sakay sa Metro Rail Transit 3 (MRT-3) hanggang sa huling araw ni Pangulong Rodrigo Duterte sa Malacañang.

Ayon kay MRT-3 general manager Mike Capati sa halip na itigil na sa Mayo 30 ang pagbibigay ng libreng sakay ay muli itong pinalawig ng isang buwan.

Libre ang sakay sa MRT-3 sa buong operasyon nito mula 4:40 ng umaga hanggang 10:10 ng gabi.

Sinimulan ang pagbibigay ng libreng sakay noong Marso 28 bilang bahagi ng pagdiriwang sa pagtatapos ng rehabilitasyon ng MRT-3.

Sa halip na itigil noong Abril 30 ay pinalawig ito muli ng isang buwan hanggang Mayo 30.

Mula Marso 28 hanggang May 24 ay mahigit 15.7 milyong libreng sakay na ang naibigay nito.