NADAKIP ng mga pulis-Valenzuela ang 67-anyos na lolo na akusado sa panghahalay sa sarili niyang apo na menor-de-edad noong Lunes matapos magtago sa Batangas.

Ayon kay Northern Police District (NPD) Director P/BGen. Josefino Ligan, nagsimulang magtago sa 169 Ayala St. San Pascual, Batangas ang suspek nang umakyat sa korte ang akusasyon laban sa kanya.

Hinuli ang suspek sa warrant of arrest galing kay Valenzuela Family Court Presiding Judge Mateo Altarejos ng Branch 16 dahil sa kasong incestuous rape.

Dakong alas-3:10 ng hapon nang matunton ng mga tauhan ni Valenzuela acting police chief P/Col. Relly Arnedo ang lolo sa tinutuluyang bahay sa Batangas.