TIGOK ang isang trahabador matapos pagsasaksakin ng kanyang kainumang kapwa obrero sa loob ng barracks nila sa Indigo Estate Subdivision sa Brgy. Munting Pulo, Lipa City, Batangas noong Linggo.

Sa salaysay ng mga saksi na nina alyas Manolito at Anthony, nadiskubre nila na patay na ang biktimang si alyas Mar at nakahandusay sa kama sa kanilang barracks at may mga saksak sa iba’t-ibang bahagi ng katawan.

Napansin din ng mga kasamahan na ang suspek, si alyas Ivan, na hindi mapakali, balisa at nagmamadaling nag-impake at lumabas sa kanyang kuwartel at umalis patungo sa hindi malamang direksyon.

Bago naganap ang insidente, nag-inuman at kalaunan nauwi sa mainitang pagtatalo ang inuman ng biktima at suspek.