CAMP OLIVAS, City of San Fernando–Arestado ang limang pinaghihinalaang tulak at nasamsaman ng mahigit P1.39 milyong halaga ng shabu sa Brgy. San Pedro Cutud ng siyudad na ito noong Hulyo 3.

Nahuli ng mga operatiba ng San Fernando City police Drug Enforcement Unit sina alyas Edwin, Maine at Bentaks at nakuhanan ng hindi bababa sa 75 gramo ng shabu na nagkakahalaga ng P510,000.

Nadakip ng Balagtas police si alyas Jasper sa Brgy. Borol 1st, Balagtas, Bulacan at nakumpiska ang nasa 50 gramo ng shabu na nagkakahalaga ng P340,000.

Noong Hunyo 4, naaresto ng mga miyembro ng Orani police si alyas Buboy na nakuhanan ng 80 gramo ng shabu na may presyong P544,000.