ISANG dating Commissioner ng Presidential Commission on Good Government (PCGG) ang napili na maging spokesperson ni Vice President-elect Sara Duterte.

Si Atty. Reynold Munsayac ang papalit kay Liloan Mayor Christina Frasco bilang tagapagsalita ng incoming vice president simula ngayong Hunyo 21.

Ayon sa kampo ni Duterte, nagpapasalamat ang VP-elect sa naitulong sa kanya ni Frasco na nauna ng napili ni President-elect Ferdinand Marcos Jr. na maging kalihim ng Department of Tourism (DOT).

“The Vice President-elect is grateful for Mayor Frasco’s help in the timely and effective communication of her messages to the Filipinos through the media. She was committed to the truthful dissemination of information, and her duty as the spokesperson was marked with intelligence and grace,” sabi ng pahayag na inilabas ng kampo ni Duterte.

“Inday Sara wishes the incoming Secretary of the Department of Tourism Frasco all the best in her new role in nation building,” sabi pa sa pahayag.

Si Munsayac ay naging kaklase ni Duterte sa law school at valedictorian ng kanilang klase.

Nagbitiw si Munsayac noong 2021 bilang commissioner at acting chairman ng PCGG upang makatulong sa pangangampanya ni Duterte.