PATAY ang 17-anyos na binatilyo na binaril habang pauwi noong Miyerkules sa Purok 7 Ilaya, Brgy. Parian, Calamba City, Laguna.

Sa ulat ng Calamba City police, patay sa lugar ng pinagbarilan si alyas JP bandang ala-1:50 ng madaling araw.

Nagtamo ng ilang tama ng bala sa katawan ang biktima mula sa nakatakas na suspek na dahilan ng kamatayan nito.

Ayon sa imbestigasyon, isa sa dalawang suspek ang bigla na lamang sumulpot sa nilalakaran ng biktima at sunud-sunod na pinaputukan ang biktima.

Matapos ang pamamaril, tumakas ang dalawang suspek patungo sa Trade Crossing sa Brgy. Uno ng nasabing lungsod.