GINANAP ang ika-38 Sublian Festival bilang paggunita sa ika-56 anibersaryo ng pagkakatatag nito noong Hulyo 23.

Si Philippine National Police (PNP) chief PGen. Nicolas Deloso Torre III ang nagbigay-karangalan sa okasyon bilang panauhing pandangal.

Sa ika-38 taon nito, ang Sublian Festival ay patuloy na nagpapakita ng pagtatanghal ng kultura ng mga Batangueño na nakaugat sa tradisyonal na sayaw-panalangin na “Subli” na iniaalay sa Mahal na Poong Sto.Niño.

Ang kaganapan ay nagpakita ng makukulay na pagtatanghal, tradisyonal na musika at mga pagkain na sumisimbolo sa pinagsasaluhang mga halaga, pamana at pananampalataya ng komunidad.

Sa kabila ng masamang panahon, nanatiling buo ang diwa ng pagdiriwang—patunay sa pagkakaisa at lakas ng mga mamamayan ng Batangas.

Pinuri ni PGen. Torre ang pamahalaang lungsod at ang mga mamamayan ng Batangas sa pagpapanatili ng mayamang tradisyon na nagbubuklod sa mga henerasyon.

Muli rin niyang pinagtibay ang pangako ng PNP sa pakikipagtulungan sa kultura, serbisyo sa komunidad at proaktibong paghahanda sa sakuna.