TATLONG miyembro ng pamilya ang nasawi makaraang masunog ang kanilang bahay nitong Lunes ng gabi sa Barangay Gusa, Cagayan de Oro City.

Nakilala ang mga biktima na sina Sisinio, 66, asawa nitong si Annie Rose, 40,.at anak na babaeng si Mary Rose, 13.

Batay sa ulat ng Bureau of Fire Protection o BFP, naganap ang sunog nitong Lunes ng gabi.

Natutulog ang mga biktima sa kanilang silid nang biglang sumiklab ang sunog na ikinasawi ng mga ito.

Sa ulat ng Cagayan de Oro City Municipal Disaster Risk Reduction and Management Office, hindi bababa sa P1-milyon ang halaga ng nasunog na bahay.

Sa ngayon, patuloy pa ang imbestigasyon para matukoy ang sanhi ng sunog.