KAMPO PBGEN VICENTE LIM–Narekober ng mga pulis-Balayan ang mga hinihinalang tuyong marijuana na nagkakahalaga ng P20,250,000  sa Brgy. San Piro, Balayan, Batangas noong Linggo.

Nagtungo sa lugar ang mga pulis upang beripikahin ang impormasyon tungkol sa lumulutang na marijuana.

Natagpuan ang anim na sako ng bigas na naglalaman ng 27 pakete ng tuyong marijuana/kush na may bigat na humigit-kumulang 13.5 kilo.

Pinuri ni Police Brigadier General Paul Kenneth Lucas, director ng Police Regional Office-4A CALABARZON, ang pagiging mapagmatyag ng mga lokal na opisyal ng barangay at ang mabilis na pagtugon ng Balayan police para ma-recover ang mga marijuana.