KAMPO HENERAL MIGUEL MALVAR, Lungsod ng Batangas – Arestado noong Martes ang isang lalake ng mga tauhan ng Nasugbu Municipal Police Station dahil sa act of lasciviousness at pagnanakaw sa Brgy. Kaylaway, Nasugbu, Batangas.

Ang suspek ay kinilala bilang alias Jeremiah, 26, walang asawa, walang trabaho, at residente ng nasabing barangay.

Ang mga biktima ay kinilalang sina alyas Ann, cashier; at alyas Ner, manggagawa sa konstruksyon.

Ayon sa imbestigasyon, natutulog ang biktima sa loob ng kanilang bahay nang pumasok umano ang suspek at hinalikan siya sa labi at hinimas ang kanyang dibdib at katawan.

Nagising ang biktima at napagtanto na hindi ang kanyang asawa ang humalik at humawak sa kanya.

Mabilis na tumakas ang suspek patungo sa kanyang tirahan.

Humiling ng tulong ang mga biktima sa mga opisyal ng barangay, na kaagad inereport sa Nasugbu MPS at naaresto ang suspek.

Sa pagsasagawa ng body search, nakuha mula sa suspek, ang mga cellphone na pag-aari ng mga biktima.

Hindi namin papayagan ang anumang uri ng sekswal na pag-atake o pagnanakaw sa aming mga komunidad. Ang pag-aresto na ito ay nagpapakita ng aming walang-sawang pangako na protektahan ang kaligtasan at kapakanan ng aming mga mamamayan at panagutin ang mga gumagawa ng ganitong uri ng krimen. “Dine sa Batangas, walang takas!” pahayag ni Batangas top cop PCol. Geovanny E. Sibalo.