INILUNSAD sa Calapan City, sa pamamagitan ng City Trade and Industry Department, ang Price Monitoring QR Code noong Nob. 13.

Tinatawag na eBantay Presyo: Gabay sa wastong presyo para sa Calapeño, inikunsad ang programa sa pangunguna ni Calapan City Mayor Doy Leachon na naglalayong malaman ang presyo ng mga pangunahing bilihin sa Calapan.

Ang Price Monitoring QR Code ay angkop rin sa mga presyo ng gamot sa botika, gayundin sa ilang grocery stores at hardware.

Sa kanyang mensahe, sinabi ni Arnel Hutalla ng DTI-Oriental Mindoro, na masaya siya na ang city government ay patuloy nilang nagiging katuwang sa pangangalaga sa kapakanan ng mga manininda at mga mamimili.

Naroroon din sa launching sina Vice Mayor Bim Ignacio at Angel Navarro.