KAMPO HENERAL MIGUEL MALVAR–Nahuli noong Miyerkules ng mga pulis ang lalaki dahil sa paglabag sa RA 10591 (Comprehensive Firearms and Ammunition Regulation Act) at RA 9165 (Comprehensive Dangerous Drugs Act of 2002) sa Brgy. Fabrica, Lobo, Batangas.

Nakilala ang nahuli na si alyas Nico, 30, residente ng Brgy. Fabrica.

Ang operasyon ay isinagawa sa pakikipag-ugnayan sa Philippine rug Enforcement Agency (PDEA).

Nakumpiska sa suspek ang 14.1 gramo ng shabu na may halagang P95,880; plastic sachet na may 5.1 gramo ng marijuana, isang improvised shotgun kasama ang 15 bala, pitong bala para sa cal .45, isang magazine ng baril na kargado ng walong bala para sa cal .45, 40 bala para sa cal .45, lighter at timbangan.