UMAKYAT na sa super typhoon category ang bagyong Karding habang lumalapit sa kalupaan.

Nagbabala ang Philippine Atmospheric Geophysical and Astronomical Services Administration (PAGASA) ng pag-ulan sa malaking bahagi ng Luzon.

Palalakasin din ng bagyong Karding ang Hanging Habagat kaya magiging maulan din maging sa Visayas.

Lilikha rin umano ang bagyo ng hanggang 3 metrong taas ng mga alon na magiging mapanganib para sa mga maliliit na sasakyang pangdagat.

Ngayong Linggo ng gabi ay inaasahang magla-landfall ang bagyo sa Aurora. Kung bahagyang lilihis ang bagyo ay maaaring umanong mag-landfall ito ng mas maaga sa Polilio islands sa Quezon.

Babaybayin umano ng bagyo ang Central Luzon hanggang sa makatawid sa Philippine Sea.

Sa pagland-fall ng bagyo ay inaasahan na ang bilis ng hangin nito ay umaabot sa 185 hanggang 205 kilometro bawat oras.