IPINAHAYAG ni NBI Director Melvin Matibag na nakatanggap ng impormasyon ang NBI na sinuhulan umano ni dating Congressman Mike Defensor ng tig-P5 milyon bawat isa ang “18 ex-Marines” para magbigay ng testimonya hinggil sa mga anomalya sa flood control.

Sinabi ni Matibag na ang testimonya ay nagmula sa isang indibidwal na may direktang kaugnayan mula sa isa sa 18 umano’y dating Marines.

“Pinangalanan si dating Congressman Mike Defensor na siya yung nag-offer ng halaga, nong P5 million, para maging testigo nga at lumabas, mag-press conference,” Matibag said.

Dagdag pa niya, nagpalabas na ng subpoena ang NBI kay Defensor para bigyang linaw ang mga alegasyon.