MAAARI umanong mag-aplay ng calamity loan ang mga miyembro ng Home Development Mutual Fund o Pag-IBIG na nasalanta ng bagyong Paeng.

Ayon sa Pag-IBIG nasa 344,000 miyembro nito ang nasa mga lugar na nasalanta ng bagyo.

Ang maaari umanong mautang ay hanggang 80 porsyento ng savings ng miyembro sa kanila. Ito ay maaaring bayaran sa loob ng tatlong taon at may interes na 5.95% kada taon.

Ang mga maaaring mag-loan ay ang mga miyembro na nakapaghulog ng kontribusyon na hindi bababa sa 24 buwan.