PATAY ang lalaking pinagbabaril ng inawat niyang suspek sa pakikipagtalo sa isa pang lalaki sa Brgy. Bahay Toro, Quezon City noong Linggo.

Sa imbestigasyon ng Quezon City Police District (QCPD), dakong alas-6:30 ng gabi ng mamagitan ang biktima sa mainitang pagtatalo ng dalawang lalaki sa harap ng isang bahay sa Seminary Road.

Sa halip na maawat ang hidwaan, pinagbalingan umano ng suspek ang biktima at ilang ulit na binaril bago tumakas dala ang hindi pa matukoy na armas.

Dead-on-the spot ang biktima matapos magtamo ng maraming tama ng bala sa iba’t-ibang bahagi ng katawan.

Narekober sa lugar ang walong basyo ng bala ng kalibre .45, tatlong deformed fired bullets, isang metallic jacket fragment at isang sirang kutsilyo.