CAMP TOLENTINO, Bataan-Nakumpiska ang P623,628 na halaga ng shabu at naaresto ang anim na High-Value Individuals (HVIs) sa anti-illegal drugs operation sa Abucay, Bataan noong September 30.

Sa kampanya kontra droga, ang Bataan Police Provincial Office, sa liderato ni Col. Marites Salvadora, naganap ang drug haul at paghuli sa 6 na drug suspek.

Sa report na tinanggap ni Col. Salvadora, nagsagawa ng buy-bust ang Abucay police na nagresulta sa pagkumpiska ng 91.71 na gramo ng shabu na may presyong P623,628.

“The arrested suspects and confiscated pieces of evidence are now under the custody of Abucay MPS for proper documentation and disposition. Charges for violation of Sections 5 and 11, Article II of Republic Act No. 9165, or the Comprehensive Dangerous Drugs Act of 2002, are being filed before the court,” ani Salvadora.