NAWAWALA at ipinalalagay na nalunod ang isang babae kamakalawa matapos mahulog at tangayin ng ilog sa Brgy. Sampaga, Balayan, Batangas.

Nabatid na dakong alas-7:30 ng umaga, sakay ang biktimang si alyas Analyn ng tricycle na minamaneho ng kanyang live-in partner na si alyas Ronald nang biglang bumaba at tumakbo patungo sa tabing ilog.

Sinubukang habulin ni alyas Ronald ang biktima ngunit nadulas ang biktima at nahulog sa ilog. Naanod at tinangay ng mabilis na agos ng tubig ang biktima.