KASONG murder ang isinampa ng pulisya sa bumaril at nakapatay sa 16-anyos na teenager sa loob ng Barangay Hall ng Marinig, Cabuyao City,Laguna.

Ang biktima ay sangkot umano sa pagnanakaw ng steel bar at inimbitahan sa barangay hall kung saan siya binaril ng itinuturong suspek na kinilalang si alyas Dennis, residente ng Barangay Marinig, ng nasabing lungsod.

Si alyas Dennis ay tumakas matapos ang pagpatay sakay ng motorsiklo.

Ayon sa pulisya , ang biktima ay binaril dakong alas 5:55 ng hapon noong Sept. 8.