KAMPO HENERAL MALVAR, Batangas–Inaresto ng mga miyembro ng Batangas police sa Brgy. Libato, San Juan, Batangas ang isang lalaki noong Biyernes dahil sa paglabag sa 10591 (Comprehensive Firearms and Ammunition Regulation Act.

Inaresto ang suspek na si alyas Virgilio, 60,sa bisa ng search warrant na inisyu ni Executive Judge Agripino R. Bravo ng Lucena City.

Nakumpiska ng mga otoridad sa suspek ang isang modified cal .22, isang kalibre .22 na air gun rifle na may scope, isang kalibre .38 na revolber, dalawang bala para sa cal .38; cal .45 pistol at 12 bala.