NAPATAY ng pulis ang 8-anyos niyang anak ng mabaril niya ang bata sa Leandro St., Brgy. 35, Tondo, Manila noong Huwebes.

Dalawang kaanak pa na sinasabing sangkot sa insidente ang iniimbestigahan dahil sila ang unang nagbalita sa paslit na duguan at nakahiga sa kama matapos tamaan ng bala.

Nakilala ang biktima na si Totoy at iniimbestigahan na daw ng Manila Police District-Homicide Section ang nakapatay sa anak na pulis.

Ayon sa ulat ng Asuncion Police Community Precinct, bandang alas-6:00 ng gabi ng makarinig ng putok ng baril ang pamilya ng pulis sa ikatlong palapag ng bahay.

Nanonood ng TV ang bata ng mabaril ng pulis na ama.

Isinugod ang bata sa Mary Johnston Hospital subalit dakong alas-7:02 ng gabi idineklarang patay na.