NAGKAROON ng inspeksyon sa iba’t-ibang departamento at dibisyon sa Batangas City ang Anti-Red Tape Authority (ARTA) frontline service inspection team kamakailan.

Ginanap ang inspeksyon sa pamumuno ni Mayor Beverley Rose Dimacuha bilang pagdiriwang ng 2025 Ease of Doing Business Month na pinangunahan ng Committee on Anti-Red Tape (CART) bilang bahagi ng pagsisikap na suriin ang paghahatid ng serbisyo ng gobyerno.

Sa temang “Mula sa Red Tape hanggang sa Red Carpet,” muling pinagtitibay ng pamahalaang lungsod ng Batangas ang pangako nito na mahusay, transparent at business-friendly na serbisyo publiko.