BATANGAS–Pumunta sina Gov. Hermilando Mandanas, Vice Governor Mark Leviste at 3rd District Board Member Alfredo Corona noong Sabado sa Talisay, Laurel at Cuenca, Batangas para makiramay sa pamilya ng mga namatay dahil sa bagyong Kristine.

Nagbigay si Mandanas ng pinansyal na tulong sa mga kaanak ng mga nasawi. Nakipagpulong din ang gobernador sa mga kinatawan ng lokal na pamahalaan.\

Samantala, patuloy ang disaster teams ng Batangas sa pagsasagawa ng search, rescue, retrieval, relief, medical at clearing operations sa lalawigan.

Isa ang Batangas sa mga lubhang naapektuhan ng paghagupit ng naturang bagyo.

Nakaranas ang Batangas ng halos walang tigil na ulan na may kasamang matinding hangin mula umaga hanggang gabi.