ARESTADO ang isang babae makaraang mabuking ang dalang shabu na ibinalot sa tissue at panty sa pagdalaw noong Huwebes sa Bureau of Jail Management and Penology (BJMP) sa Cabuyao City, Laguna.

Hindi nakalusot kay Jail Officer Liceria Gerbolingo ang modus ng suspek na hindi pinangalanan.

Nakuha mula sa babae ang P6,800 na halaga ng shabu na ilulusot sana sa kulungan bandang alas-4:37 ng hapon.

Inilipat sa Cabuyao police ang suspek na isinailalim sa imbestigasyon kasabay sa isasampang kaso laban sa kanya sa korte.