CABANATUAN CITY – Laking gulat ng isang babaeng vendor nang aksidenteng makahukay siya ng isang antigong bomba sa kanilang bakuran habang gumagawa ng libingan para sa kanyang alagang aso na namatay nitong Martes.

Ito ang iniulat ni Barangay Dicarma Chairman Benedicto Cabuhat nang humingi siya ng tulong sa kapulisan dakong alas dose ng tanghali dito.

Ayon sa kapitan, naghuhukay ng libingan si Cindy Clemente, 30, vendor, ng Purok Rosal 1, nang bumulaga sa kaniya ang metal na bagay na sinasabing isang “unexploded ordnance.”

Agad rumesponde sa lugar ang mga operatiba ng Nueva Ecija Provincial Explosives and Canine Unit upang i-secure ang na-recover na vintage bomb.