ITINALAGA ni Pangulong Ferdinand “Bongbong” Marcos Jr. sina Executive Secretary Lucas Bersamin, Justice Secretary Jesus Crispin Remulla at Agrarian Reform Secretary Conrado Estrella bilang caretakers ng bansa.

Ito ay habang nasa working visit sa United Arab Emirates si Pangulong Marcos mula Nobyembre 25 hanggang 26.

Pangangasiwaan ng tatlong opisyal ang pang-araw araw na trabaho sa gobyerno habang nasa ibang bansa si Pangulong Marcos.

Habang nasa UAE, makikipagpulong si Pangulong Marcos kay UAE President Sheik Mohamed Bin Zayed Al Nayan habang ilang agreement din ang inaasahang malalagdaan ng dalawang lider na may kinalaman sa lalong pagpapalakas sa relasyon ng dalawang bansa.

Matatandaang simula nang magkalamat ang relasyon nina Pangulong Marcos at Vice President Sara Duterte, ang tatlong opisyal na ang itinalagang caretakers ng bansa.