NALAMBAT ng mga operatiba ng Manila Police District (MPD)-Pandacan Police Station 10 ang 38-anyos na lalaki dahil sa kasong murder sa Ick St., Brgy. 866, Zone 95, Sta. Ana, Manila noong Martes.

Sa ulat ni Police Lieutenant Colonel Jason Aguillon, hepe ng nasabing presinto, nasilo si alyas Noel ng pulisya bandang alas-8:30 ng umaga matapos mamataan ang binata sa naturang lugar.

Nagkasa ng operasyon ang mga awtoridad bitbit ang warrant of arrest na inisyu ni Judge Esteban Dela Peña, presiding judge ng Regional Trial Court Branch 48 ng Manila.