TODAS noong Miyerkules ang binata matapos masalpok ng motorsiklo habang tumatakbo sa E. Rodriguez highway sa Brgy. San Jose, Rodriguez, Rizal.

Ayon sa report, bandang alas-12:40 ng hatinggabi tumatakbo ang Honda PCX 160 motorcycle (672 XBO) na minamaneho ni Jomari Zorilla Faustino, 19, nang mabundol si Dante Vasqez Rodriguez alyas Jinkey, 60.

Duguang bumulagta ang biktima at isinugod sa Ynares Casimiro Hospital sa Becco St., Brgy. Burgos, Rodriguez.

Inilipat ang biktima sa East Avenue Medical Center at doon na natuluyan, ayon sa report.