KUMPIYANSA ang Bureau of Internal Revenue (BIR) na maabot nito ang P2.6 trilyong target nitong makolekta ngayong 2023.

Sinabi ni Internal Revenue Commissioner Romeo Lumagui Jr. na tuloy-tuloy ang kampanyang isinasagawa ng ahensya para habulin ang mga hindi nagbabayad ng tamang buwis.

Ayon kay Lumagui mahalaga na maabot ang target upang maipatupad ng gobyerno ang mga nakalinyang proyekto nito.

Ang target na makolekta ng BIR ngayong taon ay mas mataas ng 10.95 porsyento o P256.444 bilyon sa nakolekta nito noong 2022.

Sa unang semestre ng 2023, nakakolekta na ang BIR ng P1.2 trilyon.