SUMANDAL ang defending champion Immaculada Concepcion College sa balanseng atake ni Alfred Flores at dalawang iba pa upang walisin ang University of Luzon, 81-73, sa quarterfinals ng NCRAA basketball tournament sa Ugnayang La Salle gymnasium sa Dasmariñas, Cavite.

Nagsanib pwersa sina Flores, Jared Vento at Totoy Ramirez para pangunahan ang Caloocan-based Blue Hawks.ni coach Ogie Gumatay sa panalo at ticket sa semifinals.

Umiskor si Flores ng 20 points mula 9-of-24 shooting, at nagdagdag ng five rebounds sa halos 30 minutes na paglalaro

Nag-ambag naman si Vento ng 14 points at four rebounds at si Ramirez ng triple-double na 12 points, 10 rebounds at 10 assists para sa Blue Hawks.

Nakatulong din sina Aljin Gadin at Felix Corpuz sa kanilang tig 10 points.

Si Jhomel Sansano ang namuno sa losing effort ng Pangasinan-based Golden Tigers ni coach Kareem Vidal sa kanyang 30 points, 11 rebounds at five assists.

May tig 10 points naman sina Christian Esberto, RJ Seco at MJ Lambino.

Bukod dito, may 12 reboundss si Lambino at eight rebounds si Seco.

Samantala, naungusan ng Bestlink College of the Philippines ang Asian Institute of Maritime Studies, 71-67.

Nagtala si Victor Nuarin ng 24 points sa 10-of-15 shooting, four assists, four steals and three rebounds sa 30 minutes na aksyon para sa Quezon City-based Kalasag ni coach Jerich Felipe.

Nagdagdag si Victor Ibanez ng 10 points at two steals ar si John Estanislao ng eight points.

Nagpasiklab si Gushtin Gurrea para sa Pasay City-based Blue Sharks nicoach Darwin Dela Punta sa kanyang.19 points.

Si Karlos Lapira at 14 points and three rebounds at si Jericho Peralta ay may 12 points.

Sa women’s division, na-domina ng De La Salle University-Dasmariñas Lady Patriots ang Philippine Merchant Marine School Lady Mariners, 87-34.

Ang mga iskors:

Women

La Salle-Dasma (87) — Atienza 16, Bongalos 12, J. Gravador 9, Talamayan 9, Villamor 9, Baldos 8, Romero 6, Solomon 4, Limosnero 2 , V.Gravador 0.
PMMS (34) — Sediego 16, Cojo 7, Tandang 5, Castro 2, Maestre 2, Tuscano 2, Bascon 0.
Quarterscores: 22-7, 47-11, 73-25, 87-34

Seniors

First game

Bestlink (71) – -Nuarin 24, Ibanez 10, Estanislao 8, Rojas 6, Quirog 5, Toldanes 4, Panis 4, Ambrocio 4,Dever 3, Sanchez 3, Estoya 0, Manasan 0.
AIMS (67) — Gurrea 19, Lapira 14, Peralta 12, Durante 9, Odvina 8, Francisco 3, Munsayac 2.
Quarterscores: 14-19, 32-43, 48-55, 71-67.

Second game

ICC (81) — Flores 20, Vento 14, Ramirez 12, Gadin 10, Corpuz 10, Lopez 5, Laran 2, Triste 2, Ibarra 2, Seneido 2, Bulante 2, Monares 0, Torres 0.
Univ. of Luzon (73) –Sansano 30, Esberto 10, Seco 10, Lambino 10, Gallardo 8, Begenio 2, De Guzman 2, Camba 1, Moreno 0.
Quarterscores: 18-15, 38-42, 62-58, 81-73.