TIMBOG noong Biyernes ang isang 45-anyos na negosyante sa Brgy. Buhay na sapa, San Juan, Batangas dahil sa pag-iingat ng walang lisensyang baril at shabu.

Naaresto ng mga tauhan ng San Juan police si alyas Darwin sa bisa ng search warrant na inisyu ng Executive Judge ng RTC, ng Lucena City.

Nakumpiska mula sa suspek ang isang kalibre .22 na may nakapasok na magazine, isang magazine para sa kalibre .45, isang Norinco kalibre .45 na may walong bala.

Kasama sa nakumpiska ang 20 gramo ng shabu na may standard drug price na P136,000.

Ang suspek ay sasampahan ng mga kasong paglabag sa RA 9165 (Comprehensive Dangerous Drugs Act of 2002) RA 10591 (Comprehensive Firearms and Ammunition Regulation Act).