TIKLO ang 38-anyos na lalaki dahil sa pagbebenta ng baril sa pulis na nagpanggap na buyer noong Linggo sa Makati City.

Ikinasa ang entrapment ng mga tauhan ni Southern Police District (SPD) Director P/BGen. Randy Arceo laban sa suspek dakong alas-4:00 ng umaga sa Brgy. Guadalupe Viejo matapos makipagtransaksiyon sa inaakalang buyer.

Nakumpiska sa kanyang possession ng mga tauhan ng District Special Operations Unit (DSOU) ang isang 9mm pistol na may magazine at P1,000 bill.

Isasailalim naman sa ballistic examination ng SPD Forensic Unit ang nakumpiskang baril upang alamin kung nagamit na ito sa mga nangyaring krimen.