BUBUKSAN ng Senate impeachment court sa publiko ang impeachment trial ni Vice President Sara Duterte, kung saan hahatiin ang available seats sa mga bisita ng prosecution, bisita ng defense at mga mamamayang nais dumalo sa proceedings.

Sinabi ni Impeachment Trial Clerk of Court Renato Bantug Jr. na papayagan ang walk-in visitors, ngunit kailangan silang magrehistro sa Senate’s Visitor Management System.

Maaari ring magpareserba online.

Ayon kay Bantug, ang mga upuang hindi gagamitin ng staff ng mga senador, prosecution o defense ay ibibigay sa publiko.

Sa seating plan, one-third ng available seats ay ilalaan sa mga bisita ng prosecution, one-third sa mga bisita ng defense at ang natitirang one-third para sa general public.

Ang naturang sistema ay inilatag habang naghahanda ang Senate impeachment court para sa trial proper matapos ang pre-trial conference.

Inaasahan ding ilalabas ng korte ang pre-trial order, na magtatakda ng mga usaping natalakay sa pre-trial conference, kabilang ang admitted facts, witnesses, documentary evidence at trial dates.

Nakatakdang magsimula ang trial proper sa July 6.

Nagdagdag din ang House prosecution panel ng mga pribadong abogado na tutulong sa trial.

Kabilang sa mga karagdagang private prosecutors sina dating Supreme Court Public Information Office chief Theodore “Ted” Te, Atty. Reynaldo Robles, Atty. Arnold Labay at Atty. Mae Divinagracia.

Itinalaga rin si dating Surigao del Norte congressman Robert Ace Barbers bilang impeachment adviser at legal spokesperson ng prosecution.

Ang pagdaragdag sa kanila ay kasabay ng paghahanda ng magkabilang panig para sa trial matapos ang pre-trial conference.

Nahaharap ang Vice President sa impeachment case sa Senate impeachment court.

Itinanggi niya ang anumang pagkakamali at kinokontra ang kaso.

Ang seating at registration rules ang magiging gabay ng mga mamamayang nais manood ng proceedings sa loob ng Senado.