HINDI umabot ng buhay sa ospital ang cable installer nang saksakin ng tumakas na salarin sa gasolinahan sa Matang Tubig St., Tondo, Manila noong Sabado.

Dead-on-arrival ang biktimang si Frankie Aguilar, 39, sa Tondo General Hospital dahil sa saksak at naka eskapo ang suspek na si alyas Balong, 32, ayon sa police report.

Ayon kay Det. Irene Jay Manalili, may hawak ng kaso, nangyari ang pananaksak bandang alas-8:20 ng gabi sa gasolinahan sa naturang lugar.

Base sa kuha ng CCTV, magpapagasolina sana ang biktima ng biglang sumulpot ang suspek sakay ng motorsiklo at kinompronta ang biktima.

Nauwi sa pananaksak ang komprontasyon ng dalawa. Nakatakbo ang biktima palayo pero sinundan pa rin siya ng suspek at pinagsasaksak kahit nakahandusay na.