SILANG, Cavite–Nanumpa na bilang mayor at vice mayor ng bayang ito sina Ted Carranza at Mat Toledo noong October 30, 2024 sa bagong municipal hall sa Brgy. Biga 1.

Si Carranza na umupo bilang acting mayor sa loob ng anim na buwan ng masuspinde si Mayor Kevin Anarna at kapaitd nito na si Municipal Administrator Jung Anarna dahil sa diumano sa illegal na pagbili ng bulaklak na ginamit sa Silang Ball noong selebrasyon ng Pista 2024.

Magsisilbi sina Carranza at Toledo sa loob ng walong buwan.

Ibinasura ng Ombudsman ang petisyon ni Anarna na makabalik sa tungkulin matapos mai-serve ang pinataw na 6 months suspension at tuluyan ng nahatulan ng perpetual disqualification sa paghawak ng anumang posisyon sa pamahalaan.

Nakatakda din magharap sina Carranza at Anarna sa halalan sa May 12, 2025.

Ayon kay Mayor Carranza sa kanyang social media page: “Iginagalang po ng pamahalaang bayan ng Silang sa pamumuno ni Mayor Ted Carranza ang integridad at mga proseso ng Tanggapan ng Ombudsman

“Ang Tanggapan ng Ombudsman nilikha upang tiyakin na ang lahat ng kawani ng gobyerno sumusunod sa mga prinsipyo ng transparency, accountability at hustisya.”