DUMATING na sa bansa ang Pilipinong tinaguriang big time child sex trafficker na si Teddy Jay Mejia matapos maaresto ng Interpol sa Dubai at maiturn over sa mga awtoridad ng Pilipinas.

Si Mejia ay nahaharap sa patung-patong na kaso dahil sa pagkakasangkot nito sa sexual exploitation sa pamamagitan ng pagbebenta ng child abuse materials sa mga parokyano nitong mga foreign national.

Tumatanggap umano si Mejia ng bayad sa kanyang mga parokyanong dayuhan sa pamamagitan ng online wallet.

Iniharap si Mejia nina DILG Secretary Benjur Abalos at PNP chief General Rommel Marbil sa media sa NAIA terminal 3 nitong Setyembre 12, 2024. Ni Joseph Muego