INAASAHANG lalakas pa ang bagyong Crising at maging Severe Tropical Storm pagdating ng July 19 o July 20 ayon sa Philippine Atmospheric, Geophysical and Astronomical Services Administration (Pagasa).

Sampung lugar sa Luzon ang isinailalim sa Signal No. 2 habang patuloy na kumikilos ang Tropical Storm ‘Crising’ patungo sa mainland Cagayan.

Ayon sa Pagasa, makakaranas ng gale-force winds na 62 hanggang 88 kph sa susunod na 24 na oras ang Batanes; Cagayan kabilang ang Babuyan Islands; Isabela; Apayao; Kalinga; Northern at central portions ng Abra (Manabo, Pidigan, San Juan, Tayum, Langiden, Boliney, Sallapadan, Bucloc, Lagangilang, Danglas, La Paz, Licuan-Baay, Tineg, Malibcong, Peñarrubia, San Isidro, Daguioman, San Quintin, Dolores, Lagayan, Bangued, Bucay, Lacub); Eastern portion ng Mountain Province (Natonin, Paracelis) Eastern portion ng Ifugao (Aguinaldo, Alfonso Lista); Ilocos Norte, at Northern portion ng Ilocos Sur (Cabugao, Sinait, Magsingal, San Juan, San Ildefonso, Santo Domingo, Bantay, San Vicente, Santa Catalina, Caoayan, City of Vigan, Santa).

Isinailalim naman sa Signal No. 1 na maaaring magkaroon ng malakas na hangin na 39 hanggang 61 kph sa susunod na 36 na oras ang Quirino; Nueva Vizcaya; Ibang mga bahagi ng Mountain Province; Ifugao Abra, Benguet; Ilocos Sur; La Union; Northern portion ng Pangasinan (San Nicolas, Natividad, San Quintin, San Manuel, Tayug, Sison, San Fabian, Pozorrubio, Laoac, Binalonan, San Jacinto, Manaoag, Mangaldan, Dagupan City, Binmaley, Lingayen, Labrador, Sual, City of Alaminos, Bolinao, Anda, Bani, Agno, Burgos, Mabini, Dasol, Calasiao, Santa Barbara, Mapandan, Bugallon); Northern portion ng Aurora (Dilasag, Casiguran, Dinalungan, Dipaculao, Baler, Maria Aurora) at Northeastern portion of Nueva Ecija (Carranglan, Pantabangan).

Huling namataan si Crising sa layong 135 kilometro silangan hilagang-silangan ng Tuguegarao City, Cagayan.